په عربی رسندویو کې د ایران د قدس د ورځې د میلیوني او ولولناک لاریون انعکاس

ایکنا -  په درست ایران کې  د قدس دنړیوالې ورخې  ولولناک او پرتمین لاریونونو دنړیوالو رسندویو توجه ځان ته جلب کړې ده.

ایکنانیوز راپور راکوي، عربی رسندویو   په درست ایران کې د قدس دنړیوالې ورځې د ولولناکې او پرتمینې ورخې  له ترسره کیدا سره  اړونده خبرونو ته ډير پوښښ ورکړی دی.

المیادین خبری چینل  ددغو میلیوني لاریونونو  په پوښښ سره   راپور ورکړی چې  تهران او د  درست ایران په درستو ښارونو او کلو  کې نوره  څه د پاسه نهه سوه سیمې او حوزې  د قدس د نړیوالې ورځې د ولولناکو لاریونونو د ترسره کیدا شاهدې وې.

په دغه راپور کې راغلي دي ، په درست ایران کې د قدس د ورځې لاریونونه  پرون د روژې دمبارکې میاشتې په وروستۍ ورځې سهار  لومړنیو ساعتونو څخه د خلکو په پراخ ګډون او د؛ ائ قدس شریفه ْ! مونږ ټول پخپلې ژمنې ټينګ ولاړ یو ؛ په شعار سره پیل شوې وې،د ایران ولس یو خل بیا په انسجام او  یووالي سره وښودله چې د استکبار او استعمار درستې دسیسې  یو ځل بیا په خپل یووالي او اتحاد سره شنډوي او هیڅکله هم اجازت نه ورکوي، دسیسې ئې بریالۍ شي.

د یمن  المسیره  چینل هم  ټينګار کړی دی چې د میلیوني ولس په دغو لاریونونو کې په ګډون سره یوځل بیا د فلسطین له مظلوم ملت سره خپله همدردي او بشپړ ملاتړ نندارې ته وړاندې کړ او د ایران په داخل کې ئې د استعماري دسیسو  دپلي کولو یو ځل بیا مخه ونیوله او ناکامې ئې کړې.

العهد چینل هم  د ویډیوئي کلیپونو اوراپورونو په خپرولو سره د فلسطین له مظلوم ملت څخه  د ایران د ولس پراخ  ملاتړ نندارې ته واندې کړ.

 https://iqna.ir/fa/news/4274014